BarcNews.Org - Новости на русском, белорусском и английском.

Канцэрт неафашысцкага гурта арганізавала БРСМ

Главная страницаНовости  Третий сектор 

14 снежня ў Оршы (Віцебская вобласць) прайшоў канцэрт маскоўскага гурта “Коловрат”, які складаецца з актывістаў незарэгістраванай неафашысцкай арганізацыі “Русское национальное единство» (РНЕ). На імпрэзу сабралося больш за сотню прыхільнікаў РНЕ з усіх рэгіёнаў Беларусі. Яны размахвалі стылізаванай свастыкай і выкрыквалі заклікі з пагрозамі ў бок прадстаўнікоў неславянскіх нацыянальнасцей. Для аховы правапарадку пад час канцэрта было працягнута не менш за сотню супрацоўнікаў праваахоўных органаў.

Група “Коловрат” з'яўляецца фактычна забароненай у сябе на радзіме па прычыне таго, што маскоўскія ўлады распачалі барацьбу з прапагандай нацыянальнай нецярпімасці і экстрэмізму. У Расіі гурт не можа знайсці памяшканне для канцэрта, а арганізатарм выступу ў Оршы стаў гарадскі камітэт БРСМ. Канцэрт значыўся ў афішах як мерапрыемства, накіраванае на барацьбу са СНІДам.

Аршанская Каардынацыйная Рада дэмакратычных сіл звярнулася да гарадскіх уладаў з патрабаваннем даць ацэнку прапагандзе фашызму ў горадзе і прыцягнуць кіраўніцтва БРСМ да адказнасці як арганізатараў. Распачаты збор подпісаў сярод інтэлігенцыі горада, чакаецца, што на гэтую падзею адрэагуюць ветэранскія арганізацыі.
Комментарии

Чтобы оставить комментарий, необходимо войти или зарегистрироваться
Сейчас на сайте посетителей:2
комментируют


Горячее ВИДЕО все видео
Loading...